Halmashauri Kuu ya CCM ::WANAZUIA MAFURIKO KWA MIKONO

Joyce Kasiki,Dodoma

KATIBU wa Itikadi na Uenezi wa Halmashauri Kuu ya Taifa ya Chama Cha Mapinduzi Nape Nnauye amesema,kitendo cha Chama cha Demokrasia na Maendeleo ( Chadema ) kuzunguka Nchi nzima kuwashawishi wananchi kupinga katiba inayopendekezwa,ni sawa na mtu kuzuia mafuriko kwa mikono.

 Alisema itakuwa vigumu kwa  chama hicho kufanikiwa zoezi hilo kwani walitakiwa   kulishwishi kundi dogo la waliokuwa wajumbe wa Bunge Maalum la Katiba ili kuzuia  theluthi mbili ya Zanzibar kupatikana huku akisema kuwa wakati wao wanaendelea kuzuia mafuriko kwa mikono ,CCM kinajipanga kuhakikisha kinashinda uchaguzi wa Serikali za Mitaa na kura ya maoni ya kupitishabkatiba inayopendekezwa.

Nape alitoa kauli hiyo jana mjini hapa  wakatinakizungumza wakati na waandishi wa habari juu ya kikao cha Halmashauri kuu ya taifa ya chama hicho (NEC) .

"Kama nilivyosema,sisi tunajipanga namna ya kushinda uchaguzi wa Serikali za Mitaa,wakati wenzetu  wanajipanga kuzuia mafuriko kwa mikono ,sisi tunajipanga kushinda uchaguzi wa serikali za mitaa.

"Lakini pia hawa Chadema wanasema watakwenda kupiga debe kujaribu kuzuia katiba inayopendekezwa isipite ,lakini mimi salamu zangu kwao,kama walishindwa kuzuia theluthi mbili bungeni ,mtaani hawataweza,wanaweza kuamua kupoteza muda ,

"Na kwa kweli wanapoteza muda sana kwa sababu katiba inayopendekezwa imebeba mambo mengi ya watanzania  ambao wapo tayari kuipitisha ,mimi ningedhani wangekuwa na akili nyingi wangepambana kuzuia ile theluthi mbili ya kila upande  isipatikane Bungeni  ,lakini waliposhindwa  ile  theluthi mbili,huku mtaani tutawashinda asubuhi ." alisema Nape

Vile vile Nape alisema kikao cha Halmashauri Kuu kimeweka mikakati ya kuhakikisha chama hicho kinajitegemea kimapato.

"Halmashauri kuu ilijadili sera ya chama ya kuwekeza kwa maana ya mikakati ya kukifanya kijitegemee kimapato na siyonkutegemea ruzuku,

Alisema wakati umefika kwamchama hicho ambacho ni kikongwe nchini kujitegemea kimaato kwa kutengeneza sera ya uwekezaji .

Alisema kuwa sera hiyo inalenga kuwa mwongozo wa kukifanya chama hiko  kianze  kuzitumia rasilimali zake katika kuzalisha ili kiweze kujitegemea kiuchumi.

“Kama inavyofahamika CCM ina rasilimali nyingi wakiwemo wanachama wake,viwanja na majengo ambavyo kwa pamoja vikitumika vizuri vitasaidia kukifanya chama kuondokana na utegemezi wa ruzuku na badala yake kujitegemea”alisema Nnauye.

Vile vile alisema  NEC pia ilifanya uteuzi wa wagombea kwa nafasi za Uenyekiti wa CCM katika Wilaya mbili ya Njombe na Misenyi pamoja na wagombea Ujumbe kwa NEC katika Wilaya tatu ambazo ni Tandahimba,Mkuranga na Njombe ambazo alisema nafasi zake zilikuwa wazi kutokana na sababu mbalimbali ikiwemo kufariki kwa viongozi waliokuwa wameshika nafasi hizo.

Nape aliwataja waluoteuliwa kugombea nafasi ya ujumbe wa NEC kuwa ni Lutavi Suleman,Malela Chibwana na Nanyundu Salum kutoka wilaya ya Tandahimba na Ally Msikamo,Khamis Zowage,Wakati Mtulia na Zawadi Kilapo kutoka wilaya ya Mkuranga.

Wengine ni Christian Fwalo,George Mng'ong'o ,Oscher Msigwa na Justin Nusulupia kutkka wilaya ya Njombe.

Aidha aliwataja  wagombea wa nafasi ya wenyeviti wa wilaya ya Njombe kuwa ni Edward Mgaya,Valence Kabelege na Betram Ng'imbudzi huku kwa wilaya ya njombe wagombea kuwa ni Sostenes Kabandwa,Said Seruh na Erica Kiiza.