HUU NDO UNAFIKI WA MAREKANI KUHUSU LIBYA..JISOMEE KIMYA

Marekani yalaani vita nchini Libya

 26 Agosti, 2014

Mataifa ya magharibi yalaani kuenea kwa vita nchini Libya

Maafisa nchini Marekani wanasema Misri na umoja wa falme za kiarabu zilihusika na mashambulio nchini Libya katika wiki iliyopita kuwalenga wanamgambo wa kiislamu wanaokabiliana na vikosi vya serikali.

Afisa mmoja mkuu wa Marekani ameiambia BBC kwamba Marekani haikushirikishwa katika mashambulio hayo na ilishangazwa.

Taarifa zinazohusiana

Libya

Makombora hayo yaliofyetuliwa Tripoli yanasemekana kutekelezwa na Umoja wa milki za kiarabu kwa kutumia kambi za kijeshi nchini Misri.
Misiri imekana tuhuma hizo na hapajakuwa na tamko lolote kutoka kwa Umoja wa falme za kiarabu.
Marekani na washirika wake wanne wa Ulaya zimeshutumu wanachokitaja kama usumbufu wa kutoka nje nchini Libya. Ufaransa, Ujerumani, Italia, Uingereza na Marekani zimelaani vikali mpigano na ghasia nchini Libya.

Wapiganaji wa makundi mawili hasimu ndio wanaoendesha mashambulizi hayo

Zimelaani pia kuongezeka kwa mapigano na ghasia ndani na kuzunguka miji ya Tripoli, Benghazi, na nchini kote Libya, hususan dhidi ya maeneo ya maakazi ya watu, sehemu za umma, na miundombinu muhimu kutokana na mashambulio ya ardhini na pia ya angani.
Nchi hizo zimesema zinarudia wito wao, zikiungana na ule wa serikali ya muda ya Libya, Baraza la Wawakilishi na wananchi wa Libya, kwamba pande zote nchini Libya zikubaliane na usitishaji wa vita mara moja na kushiriki kikamilifu katika mchakato wa kisiasa, kujizuia na mipango inayoweza kudhoofisha hatua hiyo.